ഒരേയൊരു മുകേഷ് അംബാനി; പാകിസ്ഥാനിലെ ആദ്യ 10 അതി സമ്പന്നരുടെ ആകെ ആസ്തിയേക്കാൾ മൂന്നിരട്ടി സമ്പത്ത്

നിലവിൽ പാകിസ്ഥാനിലെ സാമ്പത്തികാവസ്ഥ രൂക്ഷമായിരിക്കുന്നതായിട്ടാണ് റിപ്പോർട്ടുകൾ. അതേ സമയം പാകിസ്ഥാനിലും സമ്പന്നരായ നിരവധി ബിസിനസുകാരുണ്ട്. ഇവരിൽ പാകിസ്ഥാനി അമേരിക്കൻ ബില്യണയറായ ഷാഹിദ് ഖാനാണ് ഒന്നാമതുള്ളത്. ഫോബ്സ് റിയൽ ടൈം ബില്യണയർ ലിസ്റ്റ് പ്രകാരം അദ്ദേഹത്തിന്റെ റിയൽ ടൈം അടിസ്ഥാനത്തിലുള്ള ആസ്തി മൂല്യം 13.7 ബില്യൺ ഡോളറാണ്. അതേ സമയം പാകിസ്ഥാനിലെ ഏറ്റവും ധനികരായ 10 വ്യക്തികളുടെ ആസ്തികൾ കൂട്ടിയാലും ഇന്ത്യയിലെ അതി സമ്പന്നനായ മുകേഷ് അംബാനിയുടെ ആസ്തിയോട് കിട പിടിക്കില്ലെന്നും ഫോബ്സ് റിപ്പോർട്ട് പറയുന്നു.

1. ഷാഹിദ് ‘ഷാദ്’ ഖാൻ

പാകിസ്ഥാൻ ഒറിജിനായ ഷാദ് ഖാനാണ് ആ രാജ്യത്തെ ഏറ്റവും ധനികനായ വ്യക്തി. ‘Flex-N-Gate’ എന്ന ഓട്ടോ പാർട്സ് കമ്പനിയാണ് അദ്ദേഹത്തിന്റേത്. ബി.എം.ഡബ്ല്യു, ഫോർഡ്, നിസ്സാൻ, ടൊയോട്ട എന്നിങ്ങനെയുള്ള മുൻനിര ഓട്ടോ മൊബൈൽ കമ്പനികൾക്ക് ആവശ്യമായ ഘടകങ്ങൾ സപ്ലൈ ചെയ്യുന്ന കമ്പനിയാണിത്. 2023 വർഷത്തിൽ കമ്പനി 8.3 ബില്യൺ ഡോളറിന്റെ വരുമാനമാണ് നേടിയത്. കൂടാതെ അമേരിക്കൻ ഫുട്ബോൾ ടീമായ Jacksonville Jaguars ഷാഹിദ് ഖാന്റെ ഉടമസ്ഥതയിലുള്ളതാണ്. ഫോബ്സ് റിപ്പോർട്ടുകൾ പ്രകാരം അദ്ദേഹത്തിന്റെ ആസ്തി 13.7 ബില്യൺ ഡോളറുകളാണ്.

2. മിയാൻ മുഹമ്മദ് മാൻഷ

പാകിസ്ഥാനിലെ രണ്ടാമത്തെ വലിയ ധനികനായ വ്യക്തിയാണ് ഇദ്ദേഹം. പാകിസ്ഥാൻ എം.സി.ബി ബാങ്കിന്റെ ഇപ്പോഴത്തെ ചെയർമാനാണിത്. നിഷാത് ഗ്രൂപ്പിന്റെ ഉടമസ്ഥനായ മിയാൻ മുഹമ്മദ് രാജ്യത്ത് ഏറ്റവുമധികം നികുതി നൽകുന്ന വ്യക്തികളിൽ ഒരാളാണ്. റിപ്പോർട്ടുകൾ പ്രകാരം അദ്ദേഹത്തിന്റെ ആസ്തി 5 ബില്യൺ ഡോളറാണ്.

3. അൻവർ പർവേസ്

പാകിസ്ഥാനി-ബ്രിട്ടീഷ് പൗരനായ അൻവർ ർവേസ് ബെസ്റ്റ് വേ ഗ്രൂപ്പിന്റെ സ്ഥാപകനും, ചെയർമാനുമാണ്. പാകിസ്ഥാനിലെ രണ്ടാമത്തെ വലിയ സിമന്റ് നിർമാണ കമ്പനിയാണിത്. തന്റെ 21ാം വയസ്സിൽ,1956ൽ അദ്ദേഹം യു.കെയിലേക്ക് പോയി. നിലവിൽ 89 വയസ്സുള്ള അദ്ദേഹത്തിന്റെ ആസ്തി 3 ബില്യൺ ഡോളറാണ്.

4. നാസിർ സ്കോൺ

പാകിസ്ഥാനിലെ പ്രമുഖ ബിസിനസ് കുടുംബങ്ങളിലൊന്നായ സ്കോൺ ഫാമിലിയിലെ അംഗമാണ് നാസിർ. സ്കോൺ ഗ്രൂപ്പിന്റെ സി.ഇ. ആയ ഇദ്ദേഹമാണ് പാകിസ്ഥാനിൽ ആദ്യമായി ഒരു റോൾസ് റോയ്സ് കാർ സ്വന്തമാക്കിയത്. 1970ൽ പാകിസ്ഥാനിലെ ആദ്യ സ്വകാര്യ ബാങ്കായ സ്കോൺ ബാങ്ക് സ്ഥാപിച്ചതും ഇദ്ദേഹമാണ്. ഗൾഫ് നാടുകളിൽ സ്കോൺ കുടുംബത്തിന് പ്രോപർട്ടികളുണ്ട്. വിവിധ റിപ്പോർട്ടുകൾ പ്രകാരം നാസിർ സ്കോണിന്റെ ആസ്തി 1 ബില്യൺ ഡോളറാണ്

5. റാഫിഖ് എം. ഹബീബ്

പാകിസ്ഥാനിലെ അഞ്ചാമത്തെ വലിയ ധനികനായ വ്യക്തിയാണ് ഇദ്ദേഹം. കറാച്ചി ആസ്ഥാനമായ കുടുംബ ബിസിനസാണ് ഹൗസ് ഓഫ് ഹബീബിന് ഇദ്ദേഹം നേതൃത്ത്വം നൽകുന്നു. കൂടാതെ ഇൻഷുറൻസ്, വിദ്യാഭ്യാസം, ഹോസ്പിറ്റൽ മേഖലകളിലായി നിരവധി കമ്പനികൾ ഹബീബ് ഗ്രൂപ്പിന് കീഴിലുണ്ട്. റിപ്പോർട്ടുകൾ പ്രകാരം 950 മില്യൺ ഡോളറാണ് ഇദ്ദേഹത്തിന്റെ ആസ്തി.

പാകിസ്ഥാനിലെ ധനികരിൽ ആദ്യ 10 സ്ഥാനത്തുള്ള മറ്റ് വ്യക്തികളാണ് താരിഖ് സയീദ് സാഗൽ (900 മില്യൺ ഡോളർ), യൂസുഫ് ഫാറൂഖി (800 മില്യൺ ഡോളർ), സുൽത്താൻ അലി ലഖാനി (800 മില്യൺ ഡോളർ), സേത് ആബിദ് ഹുസൈൻ (780 മില്യൺ ഡോളർ), മജീദ് ബാസ്ഹിർ (750 മില്യൺ ഡോളർ) എന്നിവർ.

മുകേഷ് അംബാനിയുടെ ആസ്തി

പാകിസ്ഥാനിലെ ആദ്യ 10 ധനികരുടെ ആസ്തി മുഴുവനുമെടുത്താൽ അത് 28 ബില്യൺ ഡോളറുകളാണ്. അതേ സമയം റിലയൻസ് ഇൻഡസ്ട്രീസ് ചെയർമാനും, ഏഷ്യയിലെ തന്നെ അതി സമ്പന്നനുമായ മുകേഷ് അംബാനിയുടെ മാത്രം ആസ്തി മൂല്യം 100.2 ബില്യൺ ഡോളറുകളാണെന്ന് ഫോബ്സ് റിപ്പോർട്ട് ചെയ്യുന്നു. അതായത് പാകിസ്ഥാനിലെ ആദ്യ 10 സമ്പന്നരുടെ ആകെ സമ്പത്തിനേക്കാൾ മൂന്നിരട്ടിയിലധികമാമ് മുകേഷ് അംബാനിയുടെ മാത്രം ആസ്തി മൂല്യം. ഗൗതം അദാനിക്കും പാകിസ്ഥാനിലെ എല്ലാ ധനികരേക്കാളും ആസ്തിയുണ്ടെന്നാണ് റിപ്പോർട്ടുകൾ.